ⵍⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⵙⵙ ⵏ ⵓⴽⵕⴰⵚ 21 ⵖⵓⵛⵜ 1963 (ⵔⴰⴱⵉⵄ ⴰⵎⵣⵡⴰⵔⵓ ⵏ ⵓⵙⴳⴳⵯⴰⵙ ⴰⵀⵉⵊⵔⵉ 1383) ⴳ ⵕⵕⴱⴰⵟ. ⵍⵍⵉⵖ ⴷⴰⵔⵜ ⵍⵍⴰⵏ ⴽⴽⵓⵥ ⵉⵙⴳⴳⵯⴰⵙⵏ, ⵉⵙⵙⴽⵯⵛⵎⵜ ⵉⴳⵍⵍⵉⵏ ⴱⴰⴱ ⵏ ⵡⴰⴷⴷⵓⵔ ⵍⵃⴰⵙⵙⴰⵏ ⵡⵉⵙⵙ ⵙⵉⵏ ⵙ ⵜⵉⵏⵎⵍ ⵏ ⵍⵇⵓⵕⴰⵏ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ.
ⴰⵙⵙ ⵏ 28 ⵢⵓⵏⵢⵓ 1973, ⵢⵓⵎⵥ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵓⵙⵍⴽⵉⵏ ⵏ ⵓⵙⵍⵎⴷ ⴰⵎⵏⵣⵓ ⴷ ⵉⵔⵏⴰ ⵜⵖⵔⵉ ⵏⵏⵙ ⵏ ⵉⵎⵉⵔ ⴰⵙⵎⴰⵜⵜⴰⴳ ⴳ ⵓⴳⵔⴰⵡ ⴰⴳⵍⴷⴰⵏ ⴳ ⵎⴰⵏⵉ ⵢⵓⵎⵥ ⵍⴱⴰⴽⴰⵍⵓⵕⵢⴰ ⵏⵏⵙ ⴳ 1981.
ⴳ 1985, ⵢⵓⵎⵥ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵜⵓⴳⴰⵔⵜ ⵏⵏⵙ ⴳ ⵓⵣⵔⴼ ⴰⵎⵎⴰⵙ ⵏ ⵜⵖⵉⵡⴰⵍⵜ ⵏ ⵜⵎⴰⵙⵙⴰⵏⵉⵏ ⵜⵉⵣⵔⴼⴰⵏⵉⵏ ⴷ ⵜⵉⴷⵎⵙⴰⵏⵉⵏ ⴷ ⵜⵉⵏⴰⵎⵓⵏⵉⵏ ⵏ ⵕⵕⴱⴰⵟ. ⵉⵙⴰⵡⵍ ⵉⵎⵔⵙⵉ ⵏ ⵓⵔⵣⵣⵓ ⵏⵏⵙ ⵅⴼ "ⵜⴰⵎⵓⵏⵜ ⵜⴰⵄⵕⴰⴱⵜ ⵜⵉⴼⵔⵉⵇⵉⵜ ⴷ ⵜⴰⵙⵜⵔⴰⵜⵉⵊⵉⵜ ⵏ ⵍⵎⵖⵔⵉⴱ ⴳ ⵉⴳⵔ ⵏ ⵜⵎⵢⴰⵙⵙⴰⵏⵉⵏ ⵜⵉⴳⵔⴰⵖⵍⴰⵏⵉⵏ".
ⴳ 1987, ⵢⵓⵎⵥ ⵓⵙⵍⴽⵉⵏ ⴰⵎⵣⵡⴰⵔⵓ ⵏ ⵜⵖⵓⵔⵉⵡⵉⵏ ⵜⵉⵏⴰⴼⵍⵍⴰⵏⵉⵏ ⴳ ⵜⵎⴰⵙⵙⴰⵢⵉⵏ ⵜⵉⵙⵔⵜⴰⵢⵉⵏ ⵙ ⵜⵎⵢⵢⴰⵣⵜ.
ⴳ ⵢⵓⵍⵢⵓⵣ 1988, ⵢⵓⵎⵥ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵙ ⵜⵎⵢⵢⴰⵣⵜ ⴰⴷⵉⴱⵍⵓⵎ ⵏ ⵜⵖⵓⵔⵉⵡⵉⵏ ⵜⵉⵏⴰⴼⵍⵍⴰⵏⵉⵏ ⴳ ⵓⵣⵔⴼ ⴰⵎⴰⵜⴰⵢ.
ⴰⴼⴰⴷ ⴰⴷ ⵉⵔⵏⵓ ⵓⵙⵎⵓⵜⵜⴳ ⵏⵏⵙ ⴷ ⴰⴷ ⵉⴷⴷⵔ ⵜⵉⵎⵙⴽⵔⵜ ⵏ ⵉⵎⵏⵣⴰⵢⵏ ⴷ ⵉⵏⵓⴳⵍⵏ ⵏ ⵓⵣⵔⴼ ⵍⵍⵉ ⵢⵖⵕⴰ ⴳ ⵜⵖⵉⵡⴰⵏⵜ, ⵉⵣⵣⵔⵉ ⴳ ⵏⵓⵡⴰⵏⴱⵉⵔ 1988 ⴳ ⴱⵔⵓⴽⵙⵉⵍ, ⵢⴰⵏ ⵓⵙⴰⵏⵓⵏ ⵏ ⵎⵏⵏⴰⵡ ⵏ ⵉⵢⵢⵉⵔⵏ ⴷⴰⵔ ⵎⴰⵙⵙ ⵊⴰⴽ ⴹⵓⵍⵓⵕ, ⵎⴰⵢⴰⴷ ⵢⴰⴷⵍⵍⵉ ⵢⴳⴰⵏ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵎⴳⵔⴰⵡⵉⵏ ⵜⵓⵕⵓⴱⴱⵉⵢⵏ.
ⴰⵙⵙ ⵏ 29 ⴽⵜⵓⴱⵕ, ⵢⵓⵎⵥ, ⴰⵎⵎⴰⵙ ⵏ ⵜⵙⴷⴰⵡⵉⵜ ⵏⵉⵙ ⵚⵓⴼⵢⴰ ⴰⵏⵜⵉⴱⵓⵍⵉⵙ, ⴰⵣⵡⵍ ⵏ ⴹⴹⵓⴽⵜⵓⵕ ⴳ ⵓⵣⵔⴼ ⵙ ⵜⵎⵢⵢⴰⵣⵜ "ⴰⵏⵍⵓⵎⵎⵜ ⴱⴰⵀⵔⴰ" ⴷ ⵉⵙⵙⵔⵖⵓⴷⵏ ⵏ ⵜⵙⵇⵇⵉⵎⵜ ⵅⴼ ⵓⵔⵣⵣⵓ "ⴰⵎⵢⴰⵡⴰⵙ ⴳⵔ ⵜⵙⵇⵇⵉⵎⵜ ⵏ ⵜⵎⴳⵔⴰⵡⵉⵏ ⵜⵓⵕⵓⴱⴱⵉⵢⵏ ⴷ ⵍⵎⵖⵔⵉⴱ ⴰⵎⵇⵕⴰⵏ".
ⴰⵙⵙ ⵏ 22 ⴷⵓⵊⴰⵏⴱⵉⵔ 1979, ⵢⵓⵎⵥ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵜⴰⵏⵙⵙⵉⵅⴼⵜ ⵏ ⵡⴰⴷⴷⵓⵔ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵏⵜ ⵜⴰⴷⵍⵙⴰⵏⵜ ⵏ ⵉⵍⵍ ⵓⵎⵍⵉⵍ ⴰⵏⴰⵎⵎⴰⵙ.
ⴰⵙⵙ ⵏ 18 ⵎⴰⵕⵚ 1982, ⵉⵙⵎⵍⵜ ⵉⴳⵍⵍⵉⵏ ⴱⴰⴱ ⵏ ⵡⴰⴷⴷⵓⵔ ⵍⵃⴰⵙⴰⵏ ⵡⵉⵙⵙ ⵙⵉⵏ ⴰⴷ ⵉⴳ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵓⵙⵏⵎⴰⵍⴰ ⵏ ⵉⵔⴰⵔⵏ ⵏ ⵉⵍⵍ ⵓⵎⵍⵉⵍ ⴰⵏⴰⵎⵎⴰⵙ ⵡⵉⵙⵙ ⵜⵥⴰ ⵉⵜⵜⵓⵙⴽⴰⵔⵏ ⴳ ⴹⴹⴰⵕⵍⴱⵉⴹⴰ.
ⴰⵙⵙ ⵏ 11 ⵉⴱⵔⵉⵔ 1985, ⵉⵙⵎⵍ ⵉⴳⵍⵍⵉⵏ ⴱⴰⴱ ⵏ ⵡⴰⴷⴷⵓⵔ ⵍⵃⴰⵙⴰⵏ ⵡⵉⵙⵙ ⵙⵉⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵉⴳ ⵓⵙⵎⵣⴷⵓⵢ ⵏ ⵉⵙⵉⵔⴰⵏ ⴷ ⵜⵏⴰⴼⵓⵜⵉⵏ ⵏ ⵍⵉⵟⴰ ⵎⴰⵊⵓⵕ ⴰⵎⴰⵜⴰⵢ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⵎⴰ ⵢⴰⴷ ⵉⵎⵍⴰⵏ ⵉⵙ ⵉⵥⴹⴰⵕ ⵓⴳⵍⴷⵓⵏ ⴰⴷ ⵉⵙⴽⵔ ⴽⵔⴰ ⵢⴳⴰⵜⵜ ⵜⵎⵙⵜⴳⴳⴰⵔⵜ ⴷ ⵜⵙⵎⵉⴳⵍⵜ ⵍⵍⵉ ⵢⴰⵜ ⵉⵜⵜⵢⴰⴽⴽⴰⵏ.
ⴰⵙⵙ ⵏ 12 ⵢⵓⵍⵢⵓⵣ 1994, ⵉⵖⵍⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵙ ⵜⴼⵙⵏⴰ ⵏ ⵊⵉⵏⵉⵕⴰⵍ ⴷⵓ ⴷⵉⴼⵉⵣⵢⵓⵏ.
ⵙⴳ 1996, ⵉⴳⴰ ⵓⵏⵙⵙⵉⵅⴼ ⵏ ⵜⴼⵉⴹⵉⵕⴰⵍⵉⵜ ⵜⴰⴳⵍⴷⴰⵏⵜ ⵜⴰⵎⵖⵔⴰⴱⵉⵜ ⵏ ⵓⵢⵢⵉⵙ ⵏ ⵜⵔⵉⴽⵜ, ⴷ ⵓⵏⵙⵙⵉⵅⴼ ⵏ ⵡⴰⴷⴷⵓⵔ ⵏ ⵜⵎⵙⵎⵓⵏⵜ "ⵜⴰⴼⵉⵍⴰⵍⵜ". ⵉⴳⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴳⵍⵍⵉⴷ ⵓⵍⴰ ⴰⵏⵙⵙⵉⵅⴼ ⵏ ⵓⵙⴳⵔⴰⵡ ⵏ ⵓⵎⴰⵜⵓⵔ "ⵓⴷⴰⵢⴰ ⵙⵓⵔⴼ ⴽⵍⵓⴱ" ⵏ ⵕⵕⴱⴰⵟ ⵙⴳ 1999.
ⵉⵎⵢⴰⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵎⵙⴽⵉⵔⵉⵏ ⵜⵓⴷⴷⵉⵙⵉⵏ ⵙⴳ ⵍⵍⵉⵖ ⵉⵎⵥⵥⵉ, ⴷ ⵍⵍⵉⵖ ⵢⴰⴷⵍⵍⵉ ⵢⴳⴰ ⴰⵎⴽⴽⴰⵙⵓ ⵏ ⵜⴳⵍⴷⵉⵜ, ⵉⴼⴽⴰ ⵢⴰⵜ ⵉⴳⵍⵍⵉⵏ ⴱⴰⴱⴰⵜ ⵎⵏⵏⴰⵡⵜ ⵏ ⵜⵙⵎⵉⴳⵍⵉⵏ ⴳ ⵎⵏⵏⴰⵡ ⵏ ⵉⴳⵔⵏ ⵉⵏⴰⵎⵓⵔⵏ, ⵉⵄⵕⴰⴱⵏ, ⵉⵎⵓⵙⵍⵎⵏ, ⵉⴼⵔⵉⵇⵉⵢⵏ ⴷ ⵉⴳⵔⴰⵖⵍⴰⵏ, ⴷⴰⵔ ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ ⵉⴳⵯⵎⴰⵏⵉⵏ ⴷ ⵉⵎⴷⴷⵓⴽⴽⴰⵍ. ⴼ ⵖⵉⴽⴰⵏⵏ, ⵉⴷⵔⴰ ⴳ ⵎⵏⵏⴰⵡ ⵏ ⵜⵏⴰⵡⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵜⵉⵏⵎⵏⴰⴹⵉⵏ.
ⵜⵣⵔⵉ ⵜⵙⵎⵉⴳⵍⵜ ⵜⴰⵎⴰⴷⴷⵓⴷⵜ ⵉⵣⵡⴰⵔⵏ ⵏⵏⵙ ⴳ ⴱⵕⵕⴰ ⴰⵙⵙ ⵏ 6 ⵉⴱⵔⵉⵔ 1974, ⵍⵍⵉⵖ ⵉⵙⵎⴷⵢⴰ ⵉⴳⵍⵍⵉⵏ ⴱⴰⴱ ⵏ ⵡⴰⴷⴷⵓⵔ ⵍⵃⴰⵙⴰⵏ ⵡⵉⵙⵙ ⵙⵉⵏ ⴰⵎⵎⴰⵙ ⵏ ⵜⴼⵓⴳⵍⴰ ⵜⴰⴳⵯⵔⵔⴰⵎⵜ ⵉⵜⵜⵓⵙⴽⴰⵔⵏ ⴳ ⵜⵎⵥⵥⴰⵍⵓⵜ ⵏ ⵉⵕⵓⵎⵉⵢⵏ "ⵏⵓⵟⵕ ⴷⴰⵎ ⴷⵓ ⴱⴰⵔⵉ" ⵙ ⵜⵎⴽⵜⵉⵜ ⵏ ⵓⵏⵙⵙⵉⵅⴼ ⴰⴼⵕⴰⵏⵚⴰⵡⵉ, ⵊⵓⵕⵊ ⴱⵓⵎⴱⵉⴷⵓ.
ⵉⴳⴰ ⵡⴳⵍⵍⵉⴷ ⵏ ⵍⵎⵖⵔⵉⴱ ⴰⵙⵙ ⵏ 23 ⵢⵓⵍⵢⵓⵣ 1999, ⴷⴼⴼⵉⵔ ⵍⵍⵉⵖ ⵉⵎⵎⵓⵜ ⴱⴰⴱ ⵏ ⵡⴰⴷⴷⵓⵔ ⵍⵃⴰⵙⴰⵏ ⵡⵉⵙⵙ ⵙⵉⵏ. ⵜⵣⵔⵉ ⵜⴼⵓⴳⵍⴰ ⵏ ⵜⵉⴽⴽⵉ ⵏ ⵍⴱⴰⵢⵄⴰ ⴳ ⵜⴷⴰⵍⴰ ⵏ ⵓⴷⴰⴱⵓ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⵕⵕⴱⴰⵟ.
ⴰⵙⵙ ⵏ 30 ⵢⵓⵍⵢⵓⵣ 1999, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵉⵏⴹⵏ ⵏⵏⵙ ⵢⴰⵜⵜⵓⵢⵏ ⴰⴼ ⴰⴷ ⵜⵉⵍⵉ ⵜⴼⵓⴳⵍⴰ ⵏ ⵓⴷⴰⴱⵓ ⴰⵙⵙ ⵏ 30 ⵢⵓⵍⵢⵓⵣ ⴽⵔⴰ ⵢⴳⴰⵜⵜ ⵓⵙⴳⴳⵯⴰⵙ, ⴷ ⵉⴼⴽⴰ ⵉ ⵜⵎⵜⵜⵉ ⵉⵏⴰⵡ ⵏ ⵓⴷⴰⴱⵓ ⴰⵎⵣⵡⴰⵔⵓ ⵏⵏⵙ, ⵍⵍⵉⵖ ⵉⵎⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵎⵔⵉⵙⵜ ⵏⵏⵙ ⴰⴷ ⵉⵔⵏⴰ ⵜⵖⴰⵡⵙⴰ ⵏ ⴱⴰⴱⴰⵙ ⵉⴳⵍⵍⵉⵏ ⴱⴰⴱ ⵏ ⵡⴰⴷⴷⵓⵔ ⵍⵃⴰⵙⴰⵏ ⵡⵉⵙⵙ ⵙⵉⵏ, ⴷ ⴰⴷ ⵉⴼⴽ ⵓⵙⵉⵣⵡⵔ ⵉ ⵡⴼⵙⵙⴰⵢ ⵏ ⴽⵔⴰ ⵏ ⵜⵎⵓⴽⵔⵉⵙⵉⵏ ⵜⵉⵏⴰⵎⵓⵏⵉⵏ.
ⵉⴳⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⵏⵙⵙⵉⵅⴼ ⴰⵏⴰⴼⵍⵍⴰ ⴷ ⵓⵏⵙⵙⵉⵅⴼ ⵏ ⵍⵉⵟⴰ ⵎⴰⵊⵓⵕ ⴰⵎⴰⵜⴰⵢ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ.
ⵉⵣⵔⵉ ⵡⵎⵓⵜⵜⵉ ⴰⵎⴰⵣⵡⴰⵔⵓ ⵏⵏⵙ ⵙ ⴱⵕⵕⴰ, ⴷⴼⴼⵉⵔ ⵍⵍⵉⵖ ⵉⵖⵍⵉ ⵙ ⵓⴷⴰⴱⵓ, ⵡⵙⵙⴰⵏ ⵏ 25 ⴷ 28 ⴷⵓⵊⴰⵏⴱⵉⵔ 1999, ⵍⵍⵉⵖ ⵉⵔⵣⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵜⴰⴳⵍⴷⴰⵏⵜ ⵜⵄⵕⴰⴱⵜ ⵜⴰⵙⴰⵄⵓⴷⵉⵜ, ⴷ ⵓⵡⴰⵏⴽ ⵏ ⵍⵉⵎⴰⵕⴰⵜ ⵜⵄⵕⴰⴱⵉⵏ, ⴷ ⵜⴳⴷⵓⴷⴰⵏⵜ ⵏ ⵜⵓⵏⵙ.
ⴰⵙⵙ ⵏ 12 ⵢⵓⵍⵢⵓⵣ 2002, ⵉⵙⴰⵀⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵍⴰⵍⵍⴰ ⵙⵍⵎⴰ.
ⴰⵙⵙ ⵏ 8 ⵎⴰⵢⵢⵓ 2003, ⵜⵙⵙⵎⵉⵔ ⵜⵎⴰⵡⴰⵙⵜ ⵏ ⵜⴷⴷⴰⵔⴰⵜ ⵜⴰⴳⵍⴷⴰⵏⵜ ⴷ ⵓⴱⵕⵓⵟⵓⴽⵓⵍ ⴰⵏⵖⵎⵉⵙ ⵉⴼⵊⵊⵉⵊⵏ ⵏ ⵜⵍⴰⵍⵉⵜ ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⵍⵍⵉ ⵢⵔⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⴰⵢⵜ ⵉⴼⴽ ⵙⵎⵢⵢⵜ ⵏ ⴷⴰⴷⴷⴰⵜ ⵉⴳⵍⵍⵉⵏ ⴱⴰⴱ ⵏ ⵡⴰⴷⴷⵓⵔ ⵍⵃⴰⵙⴰⵏ ⵡⵉⵙⵙ ⵙⵉⵏ, ⴰⴷ ⵜ ⵉⵕⵃⵎ ⵕⴱⴱⵉ.
ⵢⵉⵡⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵎⵏⵏⴰⵡ ⵏ ⵜⵎⴰⴷⴰⵢⵉⵏ ⴷ ⵜⵙⵎⵖⵓⵔⵉⵏ:
- ⴰⴽⴰⵙ ⵏ ⵜⵎⵙⵎⵓⵏⵜ ⵜⴰⴳⵔⴰⵖⵍⴰⵏⵜ ⵏ ⵓⵙⴱⵉⴷⴷ ⵏ ⵜⴽⵕⴹⵉ ⴳ ⵜⵓⵏⵏⵓⵏⵜ, ⴰⵙⵙ ⵏ 11 ⵛⵓⵜⴰⵏⴱⵉⵔ 1983
- ⴰⵍⵍⴰⵎ ⴰⵎⵇⵕⴰⵏ ⵏ ⵜⴳⴷⵓⴷⴰⵏⵜ ⵜⴰⵜⵓⵏⵙⵉⵜ, ⴳ ⵖⵓⵛⵜ 1987
- ⵜⵉⵎⴰⴷⴰⵢⵉⵏ ⵏ ⵓⵔⴳ ⵍⵍⵉ ⴰⵔ ⵜⵢⴰⴽⴽⴰ ⵜⵙⵖⵓⵏⵜ ⵜⴰⵎⴰⵏⵓⵏⵜ "ⵛⴰⵎⴱⵢⵓⵏ ⴷⴰⴼⵔⵉⴽ", ⴰⵙⴳⴳⵯⴰⵙ ⵏ 1988-1989
- ⵜⴰⵙⵎⵖⵓⵔⵉ "ⵅⴼ ⵖⵕⵏⴰⵟⴰ 1999" ⴳ ⵓⵙⴰⵜⵉ ⵏ ⵡⴰⴷⴷⵓⵔ ⵍⵍⵉ ⴰⵔ ⵓⵜⵢⴰⴽⴽⴰ ⵓⴳⵔⴰⵡ ⵏ ⵓⵙⵔⵙ ⵏ ⵕⵕⴰⴷⵢⵓ ⵏ ⵓⵙⴰⵔⵓ "ⵚⵉⵕ" ⵏ ⵖⵕⵏⴰⵟⴰ, ⴳ ⴷⵓⵊⴰⵏⴱⵉⵔ 1999
- ⵜⵉⴼⵉⵍⵉⵜ "ⵃⵓⵙⴰⵢⵏ ⴱⵏ ⵄⴰⵍⵉ" (ⵍⵓⵕⴹⵓⵏ), ⴳ ⵎⴰⵕⵚ 2000
- ⴰⵏⵛⴰ ⴰⵎⵇⵕⴰⵏ ⴷ ⵓⵍⵍⴰⵎ ⵏ ⵓⵙⵎⵉⵍ ⵏ ⵓⵙⵓⵔⵖ ⵏ ⵜⴳⴷⵓⴷⴰⵏⵜ ⵜⴰⵟⴰⵍⵢⴰⵏⵉⵜ, ⴳ ⵉⴱⵔⵉⵔ 2000
- ⴰⵍⵍⴰⵎ ⴰⵎⵇⵕⴰⵏ ⵏ ⵓⵙⵓⵔⵖ ⴰⵏⴰⵎⵓⵔ (ⵎⵓⵕⵉⵟⴰⵏⵢⴰ), ⴳ ⵉⴱⵔⵉⵔ 2000
- ⵜⵉⴼⵉⵍⵉⵜ ⵜⴰⵎⵇⵕⴰⵏⵜ ⵏ ⵓⵙⵎⵉⵍ ⵏ 7 ⵏⵓⵡⴰⵏⴱⵉⵔ (ⵜⵓⵏⵙ), ⴳ ⵎⴰⵢⵢⵓ 2000
- ⴰⵍⵍⴰⵎ ⴰⵎⵇⵕⴰⵏ ⵏ ⵜⵎⴰⴷⴰⵢⵜ ⵜⴰⵏⴰⵎⵓⵔⵜ ⵜⴰⵎⴰⵍⵉⵜ, ⴰⵙⵙ ⵏ 14 ⵢⵓⵏⵢⵓ 2000
- ⵜⴰⵙⵎⵖⵓⵔⵉ ⵏ ⵜⵎⴰⴷⴷⴰⵙⵜ ⵜⴰⵎⴰⵔⵉⴽⴰⵏⵉⵜ "ⵀⵉⵍⵉⵏ ⴽⵉⵍⵉⵔ" ⵍⵍⵉ ⵢⵜⵡⵓⵔⵔⴰⵏ ⴳ ⵉⴳⵔ ⴰⵏⴰⵎⵓⵏ, ⵙⵍⴰⵡⴰⵏ ⴰⴽⴽⵯ ⴳ ⵓⵙⴱⵉⴷⴷ ⵏ ⵓⴱⵓⴽⴹ, ⴰⵙⵙ ⵏ 17 ⵢⵓⵍⵢⵓⵣ 2000
- ⴰⵣⵡⵍ "ⴷⵓⴽⵜⵓⵔ ⵓⵏⵓⵔⵉⵙ ⴽⵓⵣⴰ" ⴰⵎⵎⴰⵙ ⵏ ⵜⵙⴷⴰⵡⵉⵜ ⵊⵓⵕⵊ ⵡⴰⵛⵉⵏⵟⵓⵏ, ⴰⵙⵙ ⵏ 22 ⵢⵓⵏⵢⵓ 2000
- ⵜⵉⴼⵉⵍⵉⵜ ⵏ ⵓⵏⴰⴹ "ⵉⵣⴰⴱⵉⵍⵍⴰ ⵜⴰⴽⴰⵜⵓⵍⵉⴽⵉⵜ" (ⵚⴱⴰⵏⵢⴰ), ⴰⵙⵙ ⵏ 18 ⵛⵓⵜⴰⵏⴱⵉⵔ 2000
- ⵜⴰⵙⵎⵖⵓⵔⵜ ⵄⴱⴷⵕⵕⵃⵎⴰⵏ ⴰⵎⵣⵡⴰⵔⵓ, ⵍⵍⵉ ⴰⵔ ⵜⵢⴰⴽⴽⴰ ⵍⴱⴰⵍⴰⴷⵢⵢⴰ ⵏ ⴰⵍⵎⵓⵏⵉⵚⴰⵕ (60 ⴰⴽⵉⵍⵓⵎⵉⵟⵕ ⴳ ⵍⵇⴱⵍⵜ ⵏ ⵖⵕⵏⴰⵟⴰ). ⴰⵔ ⵜⵢⴰⴽⴽⴰ ⵜⵙⵎⵖⵓⵔⵉ ⵢⴰⴷ ⵉ ⵎⴷⴷⵏ ⵉⴷⵔⴰⵏ ⴳ ⵓⵙⴷⵉⵙ ⵏ ⵜⵓⵇⵇⵏⵉⵏ ⵉⵙⵎⴰⵏⵏ ⴰⵎⴰⴹⴰⵍ ⴰⵄⵕⴰⴱ ⴷ ⵓⵕⵓⴱⴱⴰ, ⴰⵙⵙ ⵏ 27 ⵏⵓⵡⴰⵏⴱⵉⵔ 2000
- "ⵜⴰⵎⴰⵜⴰⵔⵜ ⵏ ⵓⴱⵓⵔⵣ ⵏ ⵉⵙⵉⵙⴽⵓ", ⵎⴰ ⵢⴰⴷ ⵉⴳⴰⵏ ⵜⴰⵙⵎⵖⵓⵔⵜ ⴰⴽⴽⵯ ⵢⴰⵜⵜⵓⵢⵏ ⵍⵍⵉ ⴰⵔ ⵜⵢⴰⴽⴽⴰ ⵜⵎⴰⴷⴷⴰⵢⵜ ⵜⵉⵙⵍⴰⵎⵉⵜ ⵅⴼ ⵓⵙⴳⵎⵉ ⴷ ⵜⵎⴰⵙⵙⴰⵏⵉⵏ ⴷ ⵜⵓⵙⵙⵏⴰ ⵉ ⵢⵏⵙⵙⵉⵅⴼⵏ ⵏ ⵉⵡⴰⵏⴽⵏ ⵉⴳⵎⴰⵎⵏ, ⴰⵙⵙ ⵏ 7 ⴷⵓⵊⴰⵏⴱⵉⵔ 2000
- ⵍⵡⵉⵙⴰⵎ ⴰⵏⴰⵎⵓⵔ "ⵓⵎⴰⵢⴰ" ⵏ ⵓⵙⵎⵉⵍ ⵏ "ⵡⵉⵛⵉⵍ" (ⵙⵓⵔⵢⴰ), ⴰⵙⵙ ⵏ 9 ⵉⴱⵔⵉⵔ 2001
- ⵍⵡⵉⵙⴰⵎ ⵏ ⵓⵙⵓⴳⵔ ⴰⵍⵓⴱⵏⴰⵏⵉ ⵏ ⵓⵙⵎⵉⵍ ⵉⵎⵥⵍⵉ, ⴰⵙⵙ ⵏ 13 ⵢⵓⵏⵢⵓ 2001
- ⴰⵍⵍⴰⵎ ⴰⵎⵇⵕⴰⵏ "ⴰⴱⵓ ⴱⴰⴽⵕ ⵙⵉⴷⴷⵉⵇ", ⵎⴰ ⵢⴰⴷ ⵉⴳⴰⵏ ⵜⴰⵙⵎⵖⵓⵔⵜ ⴰⴽⴽⵯ ⵢⴰⵜⵜⵓⵢⵏ ⵍⵍⵉ ⴰⵔ ⵜⵢⴰⴽⴽⴰ ⵜⵎⴰⴷⴷⴰⵙⵜ ⵏ ⵜⵎⵙⵎⵓⵏⵉⵏ ⵏ ⴰⵢⵢⵓⵔ ⴰⵣⴳⴳⵯⴰⵖ ⴷ ⵓⵏⵛⴰ ⴰⵣⴳⴳⵯⴰⵖ ⵉⵄⵕⴰⴱⵏ, ⵙ ⵜⵓⵙⵏⵜ ⵙ ⵜⵍⴰⵍⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵉⴳⵔ ⵏ ⵜⵡⵡⵓⵔⵉ ⵜⴰⵏⴼⴳⴰⵏⵜ ⴷ ⵓⵎⵢⴰⵡⴰⵙ ⵏⵏⵙ ⴷ ⵜⵔⴰⵢⵉⵏ ⵉⴷⵔⵡⵉⵛⵏ, ⴰⵙⵙ ⵏ 29 ⵢⵓⵏⵢⵓ 2001
- ⵜⵉⴼⵉⵍⵉⵜ ⵜⴰⵎⵇⵕⴰⵏⵜ "ⵍⵅⴰⵍⵉⴼⴰ" (ⵍⴱⵃⵕⴰⵢⵏ), ⴰⵙⵙ ⵏ 28 ⵢⵓⵍⵢⵓⵣ 2001
- ⵜⴰⵙⵎⵖⵓⵔⵉⵜ ⵜⴰⵏⵙⵙⵉⵅⴼⵜ ⵍⵍⵉ ⴰⵔ ⵜⵢⴰⴽⴽⴰ ⵜⵎⴰⴷⴷⴰⵙⵜ ⵜⵄⵕⴰⴱⵜ ⵏ ⵜⵡⵡⵓⵔⵉ ⵙ ⵜⵓⵙⵏⵜ ⵙ ⵜⵎⴰⴳⵍⴰⵢⵉⵏ ⵍⵍⵉ ⵢⵙⴽⴰⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵉⴳⵔ ⵏ ⵓⵙⴱⵓⵖⵍⵓ ⴰⴷⵎⵙⴰⵏ ⴷ ⵜⵏⴽⵔⴰ ⵙ ⵜⵡⵡⵓⵔⵉ ⵜⵄⵕⴰⴱⵜ ⵉⵛⵛⴰⵔⵏ, ⴰⵙⵙ ⵏ 19 ⵉⴱⵔⵉⵔ 2002
- ⵜⵉⴼⵉⵍⵉⵜ ⵜⴰⵎⵇⵕⴰⵏⵜ ⵏ ⵓⵔⵖ ⵏ ⵓⵙⵓⴳⵔ ⵏ ⵜⵡⵊⵊⴰ ⵏ ⵓⴼⵓⵙ ⵍⵍⵉ ⴰⵔ ⵜⵢⴰⴽⴽⴰ ⵜⴽⵓⵏⴼⵉⴹⵉⵕⴰⵍⵉⵜ ⵜⵉⴼⵔⵉⵇⵉⵜ ⵏ ⵜⵡⵊⵊⴰ ⵏ ⵓⴼⵓⵙ, ⴰⵙⵙ ⵏ 22 ⵉⴱⵔⵉⵔ 2002
- ⵜⴰⵎⴰⵜⴰⵔⵜ ⵏ ⵓⴱⵓⵔⵣ ⵏ ⵜⵎⴰⴷⴷⴰⵙⵜ ⵜⵄⵕⴰⴱⵜ ⵏ ⵓⵙⴳⵎⵉ ⴷ ⵜⴷⵍⵙⴰ ⴷ ⵜⵎⴰⵙⵙⴰⵏⵉⵏ, ⴰⵙⵙ ⵏ 29 ⵉⴱⵔⵉⵔ 2002
- ⵍⵡⵉⵙⴰⵎ "ⵎⵓⴱⴰⵕⴰⴽ ⵍⴽⴰⴱⵉⵔ", ⵍⵍⵉ ⵢⴼⴽⴰ ⵓⵏⵙⵙⵉⵅⴼ ⵏ ⵓⵡⴰⵏⴽ ⵏ ⵍⴽⵡⵉⵜ, ⴱⴰⴱ ⵏ ⵜⴰⵜⵜⵓⵢⵜ ⵛⵛⵉⵅ ⵊⴰⴱⵉⵔ ⴰⵍ ⴰⵃⵎⴰⴷ ⴰⵙⵙⴰⴱⴰⵃ, ⴰⵙⵙ ⵏ 22 ⴽⵜⵓⴱⵕ 2002
- "ⴰⵍⵍⴰⵎ ⵏ ⵜⵙⵉⵎⴰⵍⵜ", ⵍⵍⵉ ⵢⴼⴽⴰ ⵍⴰⵎⵉⵔ ⵏ ⵇⴰⵟⴰⵕ ⴱⴰⴱ ⵏ ⵜⴰⵜⵜⵓⵢⵜ ⵃⴰⵎⴰⴷ ⴱⵏ ⵅⴰⵍⵉⴼⴰ ⴰⵍ ⵜⴰⵏⵉ, ⴰⵙⵙ ⵏ 25 ⴽⵜⵓⴱⵕ 2002
- "ⴰⵍⵍⴰⵎ ⴰⵎⵇⵕⴰⵏ ⵏ ⵏⵏⵉⵍ", ⵍⵍⵉ ⵢⴼⴽⴰ ⵓⵏⵙⵙⵉⵅⴼ ⴰⵎⴰⵚⵕⵉ, ⵎⵓⵃⵎⵎⴷ ⵃⵓⵙⵏⵉ ⵎⵓⴱⴰⵕⴰⴽ, ⴰⵙⵙ ⵏ 28 ⴽⵜⵓⴱⵕ 2002
- "ⵜⴰⵎⴰⴷⴰⵢⵜ ⵏ ⵡⴰⴷⴷⵓⵔ ⵏ ⵜⵎⵙⵎⵓⵏⵜ ⵜⴰⴳⵔⴰⵖⵍⴰⵏⵜ ⵏ ⵉⵙⴳⵔⴰⵡⵏ ⵏ ⵉⵣⵎⴰⵡⵏ" ⵍⵍⵉ ⵢⵜⵜⵢⴰⴽⴽⴰⵏ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙ ⵜⵓⵙⵙⵏⵜ ⵙ ⵜⵡⵡⵓⵔⵉⵡⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵉⴳⵔ ⴰⵏⴰⵎⵓⵏ, ⴰⵙⵙ ⵏ 7 ⵎⴰⵢⵢⵓ 2003
- ⵜⴰⵎⴰⴷⴰⵢⵜ ⵏ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵏ ⵜⵣⵡⴰⴳⵉⵏ, ⴰⵙⵙ ⵏ 22 ⴽⵜⵓⴱⵕ 2003
- "ⴰⵏⵛⴰ ⴰⵎⵇⵕⴰⵏ ⵏ ⵓⵏⵎⴰⵍⴰ ⴰⵏⴰⵎⵓⵔ ⵏ ⴰⵜⵉⴳ" ⵏ ⵍⴽⴰⵎⵉⵕⵓⵏ, ⴰⵙⵙ ⵏ 17 ⵢⵓⵏⵢⵓ 2004
- "ⴰⵏⵛⴰ ⴰⵎⵇⵕⴰⵏ" ⵏ ⵉⵜⵔⵉ ⴰⵎⵏⴰⵏⴰⴹ, ⵜⴰⵙⵎⵖⵓⵔⵜ ⴰⴽⴽⵯ ⵉⵎⵇⵇⵓⵕⵏ ⴳ ⵍⴳⴰⴱⵓⵏ, ⴰⵙⵙ ⵏ 21 ⵢⵓⵏⵢⵓ 2004
- "ⴰⵏⵛⴰ ⴰⵎⵇⵕⴰⵏ ⵏ ⵓⵏⵎⴰⵍⴰ ⴰⵏⴰⵎⵓⵔ ⵏ ⵏⵏⵉⵊⵔ", ⴰⵙⵙ ⵏ 24 ⵢⵓⵏⵢⵓ 2004
- ⵜⴰⵙⵖⵓⵏⵜ ⵜⵄⵕⴰⴱⵜ "ⴰⵕⴰⴱⵢⴰⵏ ⴱⵉⵣⵏⵉⵙ" ⵍⵍⵉ ⵜⵙⵙⵓⴼⵖ "ⵉ ⵜⵉ ⴱⵉ ⴱⵉⵣⵏⵉⵙ", ⵎⴰ ⵢⴰⴷ ⵉⴳⴰⵏ ⵜⴰⵎⵙⵙⵓⵔⵜ ⵜⴰⵎⵥⵕⴰⴳⵜ ⵜⴰⵎⵣⵡⴰⵔⵓⵜ ⵏ ⵜⵙⵖⵓⵏⵉⵏ ⵜⵉⴷⵎⵙⴰⵏⵉⵏ ⵏ ⵍⵇⴱⵍⵜ ⵜⴰⵏⴽⵎⴰⵔⵜ, ⵜⴼⴽⴰ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ "ⵜⴰⵙⵎⵖⵓⵔⵜ ⵏ ⵜⵙⴽⵔⴰⵡⵜ ⵜⵉⵍⵉⴽⵟⵕⵓⵏⵉⵜ", ⵅⴼ ⵜⵎⴰⴳⵍⴰⵢⵉⵏ ⴷ ⵜⵉⵙⵏⵜⴰⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵉⴳⵔ ⵏ ⵉⵙⵏⵉⵎⵏ ⵉⵙⵔⵜⴰⵏⵉⵏ ⴷ ⵉⴷⵎⵙⴰⵏⵉⵏ, ⴰⵙⵙ ⵏ 28 ⵢⵓⵍⵢⵓⵣ 2004
- ⴰⵙⵙ ⵏ 5 ⴽⵜⵓⴱⵕ 2004, ⴰⴳⵍⵍⵉⴷ ⴰⵍⴱⵉⵕ ⵡⵉⵙⵙ ⵙⵉⵏ ⵏ ⴱⵍⵊⵉⴽⴰ ⵉⴼⴽⴰ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⵏⵛⴰ ⴰⵎⵇⵕⴰⵏ ⵏ ⵍⵡⵉⵙⴰⵎ ⵍⵢⵓⴱⵓⵍⴷ
- ⴰⵙⵙ ⵏ 23 ⵏⵓⵡⴰⵏⴱⵉⵔ 2004, ⵜⴰⵎⴰⴷⴷⴰⵙⵜ ⵏ ⵉⵍⵍ ⵓⵎⵍⵉⵍ ⴰⵏⴰⵎⵎⴰⵙ ⵏ ⵉⵏⵖⵎⴰⵙⵏ ⴷ ⵉⵎⴰⵔⴰⵏ ⵏ ⵜⵎⴰⵍⵍⴰⵢⵜ ⵜⴼⴽⴰ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵜⴰⵙⵎⵖⵓⵔⵜ ⵜⴰⵎⵇⵕⴰⵏⵜ ⵏ ⵜⵣⵉⵜⵓⵏⵜ ⵏ ⵜⵎⴰⵍⵍⴰⵢⵜ ⴷ ⵓⴼⵔⴰ ⵏ ⵓⵙⴳⴳⵯⴰⵙ 2004
- ⴰⵙⵙ ⵏ 24 ⵏⵓⵡⴰⵏⴱⵉⵔ 2004, ⵜⴼⵉⴹⵉⵕⴰⵍⵉⵜ ⵜⴰⴳⵔⴰⵖⵍⴰⵏⵜ ⵏ ⵉⵏⵖⵎⴰⵙⵏ ⴷ ⵉⵎⴰⵔⴰⵏ ⵏ ⵜⵎⴰⵍⵍⴰⵢⵜ ⴷ ⵜⴼⵉⴹⵉⵕⴰⵍⵉⵜ ⵜⴰⵄⵕⴰⴱⵜ ⵏ ⵉⵏⵖⵎⴰⵙⵏ ⴷ ⵉⵎⴰⵔⴰⵏ ⵏ ⵜⵎⴰⵍⵍⴰⵢⵜ ⴼⴽⴰⵏⵜ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵜⴰⵎⴰⴷⴰⵢⵜ ⵏ ⵙⵏⴰⵜ ⵜⴼⵉⴹⵉⵕⴰⵍⵉⵜⵉⵏ ⴰⴷ.
- ⴰⵙⵙ ⵏ 26 ⵏⵓⵡⴰⵏⴱⵉⵔ 2004, ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵢⴰⵏ ⵓⵔⵣⴰⴼ ⴰⵎⴰⴷⴷⵓⴷ ⵙ ⵍⴱⵕⴰⵣⵉⵍ, ⴷ ⵉⴼⴽⴰ ⵢⴰⵜ, ⴳ ⵜⵎⴰⵥⵓⵏⵜ "ⴱⵕⴰⵣⵉⵍⵢⴰ", ⵓⵏⵙⵙⵉⵅⴼ ⵍⵓⵍⴰ ⴷⴰ ⵙⵉⵍⴼⴰ ⵜⴰⵎⴰⴷⴰⵢⵜ "ⴽⵔⵓⵣⵉⵢⵔⵓ ⴷⵓ ⵙⵓⵍ", ⵎⴰ ⵢⴰⴷ ⵉⴳⴰⵏ ⵜⴰⵙⵎⵖⵓⵔⵜ ⴰⴽⴽⵯ ⵢⴰⵜⵜⵓⵢⵏ ⵉⵜⵢⴰⴽⴽⴰⵏ ⴳ ⵍⴱⵕⴰⵣⵉⵍ ⵉ ⵢⵏⵙⵙⵉⵅⴼⵏ ⵏ ⵉⵡⴰⵏⴽⵏ ⴷ ⵎⴷⴷⵏ ⵉⴱⵕⵕⴰⵏⵉⵢⵏ ⵉⵎⵇⵇⵓⵕⵏ.
- ⴰⵙⵙ ⵏ 30 ⵏⵓⵡⴰⵏⴱⵉⵔ 2004, ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵃⵎⴷ ⵡⵉⵙⵙ ⵚⴹⵉⵚ ⵢⴰⵏ ⵓⵔⵣⴰⴼ ⵉ ⵜⵎⵣⴰⵉⵔⵜ ⵏ ⴱⵉⵔⵓ, ⴷ ⵉⴼⴽⴰ ⵢⴰⵜ, ⴳ ⵜⵎⴰⵥⵓⵏⵜ "ⵍⵉⵎⴰ", ⵓⵏⵙⵙⵉⵅⴼ ⴰⴱⵉⵔⵓⴼⵉ, ⴰⵍⵉⵅⴰⵏⴷⵔⵓ ⵟⵓⵍⵉⴹⵓ, ⴰⵏⵛⴰ ⴰⵎⵇⵕⴰⵏ ⵏ ⵓⵙⵎⵉⵍ ⵏ ⵜⴼⵓⴽⵜ, ⵎⴰ ⵢⴰⴷ ⵉⴳⴰⵏ ⵜⴰⵙⵎⵖⵓⵔⵜ ⴰⴽⴽⵯ ⵉⵅⴰⵜⴰⵔⵏ ⴳ ⴱⵉⵔⵓ ⵍⵍⵉ ⵉⵜⵢⵢⴰⴽⴽⴰⵏ ⵉ ⵎⴷⴷⵏ ⵢⴰⵜⵜⵓⵢⵏ ⵉⴱⵕⵕⴰⵏⵉⵢⵏ.
- ⴰⵙⵙ ⴰⵎⵣⵡⴰⵔⵓ ⵏ ⴷⵓⵊⴰⵏⴱⵉⵔ 2004, ⵢⵉⵡⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⵍⵉ ⵢⵙⴽⵔⵏ ⵢⴰⵏ ⵓⵔⵣⴰⴼ ⴳ ⴱⵉⵔⵓ, ⵙⴳ ⵏⵙⵙⵉⵅⴼ ⵏ ⵍⴽⵓⵏⴳⵔⵉⵙ ⴰⴱⵉⵔⵓⴼⵉ (ⴰⴱⵕⵍⴰⵎⴰⵏ) ⵜⴰⵎⴰⴷⴰⵢⵜ ⵏ ⵡⴰⴷⴷⵓⵔ "ⵍⴽⵓⵏⴳⵔⵉⵙ" ⵏ ⵓⵙⵎⵉⵍ ⵏ ⵓⵏⵛⴰ ⴰⵎⵇⵕⴰⵏ.
- ⴰⵙⵙ ⵏ 3 ⴷⵓⵊⴰⵏⴱⵉⵔ 2004, ⵢⵉⵡⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⵎⵎⴰⵙ ⵏ ⵓⴱⵕⵍⴰⵎⴰⵏ ⵏ "ⵍⴰ ⵎⵓⵏⵉⴷⴰ" ⴳ ⵜⵎⴰⵥⵓⵏⵜ "ⵙⴰⵏⵜⵢⴰⴳⵓ", ⴰⵎⵎⴰⵙ ⵏ ⵓⵏⵙⵙⵉⵅⴼ ⵏ ⵛⵛⵉⵍⵉ ⵔⵉⴽⴰⵔⴷⵓ ⵍⴰⴳⵓⵙ ⵉⵙⴽⵓⴱⴰⵕ, ⵜⵉⴼⵉⵍⵉⵜ "ⴱⵉⵔⵏⴰⵔⴷⵓ ⵓⵀⵉⵊⵉⵏ", ⵎⴰ ⵢⴰⴷ ⵉⴳⴰⵏ ⵜⴰⵙⵎⵖⵓⵔⵜ ⴰⴽⴽⵯ ⵉⵎⵇⵇⵓⵕⵏ ⵉⵜⵜⵢⴰⴽⴽⴰⵏ ⵉ ⵢⵏⵙⵙⵉⵅⴼⵏ ⵏ ⵉⵡⴰⵏⴽⵏ ⴷ ⵎⴷⴷⵏ ⵉⴱⵕⵕⴰⵏⵉⵢⵏ ⵢⴰⵜⵜⵓⵢⵏ.
- ⴰⵙⵙ ⵏ 11 ⵉⴱⵔⵉⵔ 2005, ⵉⴼⴽⴰ ⵓⵏⵙⵙⵉⵅⴼ ⵏ ⵍⵎⵉⴽⵙⵉⴽ, ⴱⵉⵙⵉⵏⵜⵉ ⴼⵓⴽⵙ ⴽⵉⵙⵉⴷⴰ, ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵉⴼⵉⵍⵉⵜ ⵜⴰⵎⵇⵕⴰⵏⵜ ⵏ ⵓⵙⵎⵉⵍ ⴰⵎⵉⴽⵙⵉⴽⵉ "ⵉⴳⵉⴷⵔ ⴰⵥⵟⵉⴽⴰ", ⵎⴰ ⵢⴰⴷ ⵉⴳⴰⵏ ⵢⴰⵜ ⵜⵙⵎⵖⵓⵔⵜ ⵉⵅⴰⵜⴰⵔⵏ ⵉⵜⵜⵢⴰⴽⴽⴰⵏ ⵉ ⵢⵏⵙⵙⵉⵅⴼⵏ ⵏ ⵉⵡⴰⵏⴽⵏ ⴷ ⵎⴷⴷⵏ ⵉⵎⵇⵇⵓⵕⵏ ⴳ ⵍⵎⵉⴽⵙⵉⴽ.
- ⴰⵙⵙ ⴰⵎⵣⵡⴰⵔⵓ ⵏ ⵎⴰⵕⵚ 2005, ⵉⴼⴽⴰ ⵓⵏⵙⵙⵉⵅⴼ ⵏ ⴱⵓⵔⴽⵉⵏⴰ ⴼⴰⵚⵓ, ⴱⵍⵉⵣ ⴽⵓⵎⴱⴰⵡⵔⵉ, ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⵏⵛⴰ ⴰⵎⵇⵕⴰⵏ ⵏ ⵓⵙⵎⵉⵍ ⴰⴱⵓⵔⴽⵉⵏⴰⴱⵉ, ⵎⴰ ⵢⴰⴷ ⵉⴳⴰⵏ ⵜⴰⵙⵎⵖⵓⵔⵜ ⴰⴽⴽⵯ ⵉⵎⵇⵇⵓⵕⵏ ⵉⵜⵜⵢⴰⴽⴽⴰⵏ ⴳ ⴱⵓⵔⴽⵉⵏⴰ ⵉ ⵢⵏⵙⵙⵉⵅⴼⵏ ⵏ ⵉⵡⴰⵏⴽⵏ.
- ⴰⵙⵙ ⵏ 19 ⵎⴰⵕⵚ 2005, ⵉⵜⵜⵓⵙⵜⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵉⴳ "ⴰⵔⴳⴰⵣ ⵏ ⵓⵙⴳⴳⵯⴰⵙ ⴰⴷⵎⵙⴰⵏ ⴰⴼⵕⴰⵏⴽⵓⴼⵓⵏⵉ" ⵙⴳ ⵓⵙⴳⵔⴰⵡ ⴰⴼⵕⴰⵏⴽⵓⴼⵓⵏⵉ ⵏ ⵜⵎⵙⵍⴰⵢⵉⵏ ⵅⴼ ⵓⵙⵏⵜⵉ ⵏ ⵓⵏⴰⵎⵓⵏ ⴰⵎⵇⵕⴰⵏ ⵍⵍⵉ ⵎⵍⴰⵏ ⵎⵏⵏⴰⵡ ⵏ ⵉⵙⵏⵉⵎⵏ ⵍⵍⵉ ⵢⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵍⵎⵖⵔⵉⴱ.
- ⴰⵙⵙ ⵏ 28 ⵏⵓⵡⴰⵏⴱⵉⵔ 2005, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵉⵎⴱⵕⴰⵜⵓⵕⵉ ⴰⴽⵉⵀⵉⵜⵓ, ⵍⵉⵎⴱⵕⴰⵟⵓⵕ ⵏ ⵊⴰⴱⴱⵓⵏ, ⵜⵉⴼⵉⵍⵉⵜ ⵏ ⵓⵙⵎⵉⵍ ⴰⵎⵇⵕⴰⵏ "ⴽⵔⵉⵣⴰⵏⵜⵉⵎⵓⵎ" ⴷ ⵓⵍⵍⴰⵎ ⴰⵎⵇⵕⴰⵏ ⵏ ⵓⵙⵎⵉⵍ ⴰⵎⵇⵕⴰⵏ "ⴽⵔⵉⵣⴰⵏⵜⵉⵎⵓⵎ".
- ⴰⵙⵙ ⵏ 20 ⴱⵕⴰⵢⵕ 2006, ⵉⴼⴽⴰ ⵓⵏⵙⵙⵉⵅⴼ ⵏ ⴳⴰⵎⴱⵢⴰ, ⵢⴰⵃⵢⴰ ⵊⴰⵎⵄ, ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵜⴰⵎⴰⴷⴰⵢⵜ ⵏ ⵓⵏⵙⵙⵉⵅⴼ ⴰⵎⵇⵕⴰⵏ ⵏ ⵜⴳⴷⵓⴷⴰⵏⵜ ⵏ ⴳⴰⵎⴱⵢⴰ.
- ⴰⵙⵙ ⵏ 22 ⴱⵕⴰⵢⵕ 2006, ⵉⴼⴽⴰ ⵓⵏⵙⵙⵉⵅⴼ ⵏ ⵍⴽⵓⵏⴳⵓ, ⴷⵉⵏⵉⵙ ⵙⴰⵙⵓ ⵏⴳⵉⵙⵓ, ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⵏⵛⴰ ⴰⵎⵇⵕⴰⵏ ⵏ ⵓⵙⵎⵉⵍ ⴰⵏⴰⵎⵓⵔ ⵏ ⵓⵙⵓⴳⵔ ⵏ ⵍⴽⵓⵏⴳⵓ.
- ⴰⵙⵙ ⵏ 28 ⴱⵕⴰⵢⵕ 2006, ⵉⴼⴽⴰ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵜⴰⴷⵉⵎⵓⵇⵕⴰⵟⵉⵜ ⵏ ⵍⴽⵓⵏⴳⵓ, ⵎⴰⵙⵙ ⵊⵓⵙⵉⴼ ⴽⴰⴱⵉⵍⴰ, ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵍⵍⴰⵎ ⴰⵎⵇⵕⴰⵏ ⵏ ⵓⵙⵎⵉⵍ ⴰⵏⴰⵎⵓⵔ "ⵉⴱⵃⵍⵉⵏ ⵉⵏⴰⵎⵓⵔⵏ", ⵎⴰ ⵢⴰⴷ ⵉⴳⴰⵏ ⵜⴰⵙⵎⵖⵓⵔⵜ ⴰⴽⴽⵯ ⵢⴰⵜⵜⵓⵢⵏ ⵏ ⵜⴳⴷⵓⴷⴰⵏⵜ ⵜⴰⴷⵉⵎⵓⵇⵕⴰⵟⵉⵜ ⵏ ⵍⴽⵓⵏⴳⵓ.
- ⴰⵙⵙ ⵏ 21 ⵉⴱⵔⵉⵔ 2006, ⵜⴼⴽⴰ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ "ⵍⵓⵍⴰⵎⴱⵢⴰⴷ ⵉⵎⵥⵍⵉ" ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷⴷⵉⵔⵄ "ⵙⴱⵉⵛⴰⵍ ⵓⵍⴰⵎⴱⵉⴽⵙ ⵉⵏⵜⵉⵔⵏⴰⵛⵢⵓⵏⴰⵍ" ⵏ ⵓⴷⴰⵔⵓ ⴰⵎⵣⴰⵔⵓ ⵙ ⵜⵓⵙⵙⵏⵜ ⵙ ⵜⵓⴳⴳⴰⵣ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵉⴳⵔ ⴰⵏⴰⵎⵓⵏ ⴷ ⵅⴼ ⵎⴷⴷⵏ ⵉⵎⵄⴹⵓⵕⵏ.
- ⴰⵙⵙ ⵏ 3 ⵎⴰⵢⵢⵓ 2006, ⵢⵉⵡⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵜⴰⵎⴰⴷⴰⵢⵜ ⵏ ⵓⵔⵖ ⵏ "ⵍⵉⵙⵉⵙⴽⵓ" ⵅⴼ ⵓⵎⵙⴰⵡⴰⵍ ⵏ ⵜⵖⵔⵎⵉⵡⵉⵏ, ⵎⴰ ⵢⴰⴷ ⵉⴳⴰⵏ ⵜⴰⵙⵎⵖⵓⵔⵜ ⴰⴽⴽⵯ ⵉⵎⵇⵇⵓⵕⵏ ⵏ ⵜⵎⴰⴷⴷⴰⵙⵜ ⴰⴷ, ⵙ ⵜⵓⵙⵙⵏⵜ ⵙ ⵜⵓⴳⴳⴰⵣ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵎⵎⴰⵙ ⵏ ⵓⵙⴷⵓⵙ ⵏ ⵓⵎⵙⴰⵡⴰⵍ ⴷ ⵜⵎⵢⵉⴷⵉⵔⵜ ⴷ ⵓⵎⵙⴰⵙⴰ ⴳⵔ ⵉⵎⴰⴷⴰⵏⵏ.
- ⴰⵙⵙ ⵏ 13 ⴷⵓⵊⴰⵏⴱⵉⵔ 2006, ⵢⵉⵡⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷⴰⵔ ⵍⴰⵎⵉⵔ ⵏ ⵓⵡⴰⵏⴽ ⵏ ⵍⴽⵓⵡⵉⵜ, ⴱⴰⴱ ⵏ ⵜⴰⵜⵜⵓⵢⵜ ⵛⵛⵉⵅ ⵚⴰⴱⴰⵃ ⴰⵍ ⴰⵃⵎⴰⴷ ⴰⵍ ⵊⴰⴱⵉⵔ ⴰⵚⵚⴰⴱⴰⵃ, ⵜⵉⴼⵉⵍⵉⵜ "ⵍⵎⵓⴱⴰⵕⴰⴽ ⵍⴽⴰⴱⵉⵔ"
- ⴰⵙⵙ ⵏ 15 ⵎⴰⵢⵢⵓ 2007, ⵢⵉⵡⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷⴰⵔ ⵜⵏⵙⵙⵉⵅⴼⵜ ⵏ ⵜⵎⴰⵣⵉⵔⵜ ⵏ ⵍⵉⵜⵡⴰⵏⵢⴰ, ⴼⴰⵢⵕⴰ ⴼⵉⴽⵉ ⴼⵔⵉⴱⵉⵔⴳⴰ, ⴰⵙⵏⵜⵉ "ⴽⵕⴰⴹ ⵏ ⵉⵜⵔⵉⵢⵏ", ⵎⴰ ⵢⴰⴷ ⵉⴳⴰⵏ ⵜⴰⵙⵎⵖⵓⵔⵜ ⴰⴽⴽⵯ ⵉⵎⵇⵇⵓⵕⵏ ⴳ ⵜⴳⴷⵓⴷⴰⵏⵜ ⵏ ⵍⵉⵜⵡⴰⵏⵢⴰ.
- ⴰⵙⵙ ⵏ 18 ⵎⴰⵢⵢⵓ 2007, ⵢⵉⵡⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷⴰⵔ ⴰⵅⴷⴷⴰⵎ ⵏ ⵙⵉⵏ ⵉⴷⵖⴰⵔⵏ ⵉⵎⴱⴰⵕⴹⵏ ⵏ ⵍⵉⵙⵍⴰⵎ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵄⴱⴷⵍⵍⴰⵀ ⴱⵏ ⵄⴱⴷⵍⵄⴰⵣⵉⵣ, ⵜⵉⴼⵉⵍⵉⵜ ⵏ ⵓⴳⵍⵍⵉⴷ ⵄⴱⴷⵍⵄⴰⵣⵉⵣ.
- ⴰⵙⵙ ⵏ 12 ⵉⴱⵔⵉⵔ 2009, ⵢⵉⵡⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵜⴰⵙⵎⵖⵓⵔⵜ ⵜⴰⴳⵔⴰⵖⵍⴰⵏⵜ ⵏ ⵓⴼⵔⴰ 2009 ⵙⴳ ⴰⵎⵎⴰⵙ ⵏ ⵜⵎⴳⵔⴰⵡⵜ ⵜⵄⵕⴰⴱⵜ, ⵉⵍⵍⴰⵏ ⴳ ⵡⴰⵛⵉⵏⵟⵓⵏ.
- ⵢⵉⵡⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⵙⵎⵖⵓⵔⵜ ⴰⴷ ⵅⴼ "ⵜⵉⵙⵏⵜⴰⵢⵉⵏ ⵏⵏⵙ ⵍⵍⵉ ⵔⴰⵏⵜ ⴰⴷ ⵙⴷⵓⵙⵏ ⴰⴼⵔⴰ ⴳ ⵓⵎⴰⴹⴰⵍ, ⵍⵍⵉⵖ ⵉⴳⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵏⵙⵙⵉⵅⴼ ⵏ ⵓⴳⵔⴰⵡ ⵏ ⵍⵇⵓⴷⵙ, ⵓⵍⴰ ⵅⴼ ⵜⵓⴳⴳⴰⵣ ⵏⵏⵙ ⴳ ⵓⴼⵔⴰⴳ ⵏ ⵉⵜⵉⴳⵏ ⵉⴼⴰⵥⵓⵕⵏ ⴷ ⵓⵙⴷⵓⵙ ⵏ ⵓⴼⵔⴰ ⴷ ⵜⴷⵔⴼⵉ ⴷ ⵜⴷⵉⵎⵓⵇⵕⴰⵟⵉⵜ ⴳ ⵜⵙⴳⴰ ⵏ ⵍⵎⵖⵔⵉⴱ ⴰⵎⵇⵕⴰⵏ", ⵎⴰⵢⴰⴷ ⵉⵏⵏⴰ ⵓⵏⵙⵙⵉⵅⴼ ⵏ ⵓⵎⵎⴰⵙ, ⵓⵙⴰⵎⴰ ⵛⵛⴰⵔⴰⴱⴰⵙⵉ.
- ⴰⵙⵙ ⵏ 17 ⵉⴱⵔⵉⵔ 2009, ⵢⵉⵡⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷⴰⵔ ⵓⵏⵙⵙⵉⵅⴼ ⵏ ⵖⵉⵏⵢⴰ ⵜⵉⴽⵡⴰⵟⵓⵕⵉⵜ, ⵜⵢⵓⴷⵓⵔⵓ ⵓⴱⵢⴰⵏⴳ ⵏⴳⵉⵎⴰ ⵎⴱⴰⵙⵓⴳⵓ, ⴳ ⵜⴳⴰⴷⵉⵔⵜ ⵜⴰⵏⵙⵙⵉⵅⴼⵜ ⴳ ⴱⴰⵟⴰ, ⵜⵉⴼⵉⵍⵉⵜ ⵜⴰⵎⵇⵕⴰⵏⵜ ⵏ ⵓⵙⵎⵉⵍ ⵏ ⵜⵙⵉⵎⴰⵏⵜ, ⵎⴰ ⵢⴰⴷ ⵉⴳⴰⵏ ⵜⴰⵙⵎⵖⵓⵔⵜ ⴰⴽⴽⵯ ⵢⴰⵜⵜⵓⵢⵏ ⴳ ⵜⵎⴰⵣⵉⵔⵜ ⵏ ⵖⵉⵏⵢⴰ ⵜⵉⴽⵡⴰⵟⵓⵕⵉⵜ.
- ⴰⵙⵙ ⵏ 28 ⴽⵜⵓⴱⵕ 2009, ⵜⴼⴽⴰ ⵜⵎⵓⵏⵜ ⵏ ⵜⵎⵖⴰⵔⵉⵏ ⵜⵎⵙⵙⴰⵔⵓⵜⵉⵏ ⵜⵄⵕⴰⴱⵉⵏ ⵜⴰⵎⴰⴷⴰⵢⵜ ⵏ ⵜⵎⵓⵏⵜ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.
- ⵜⵓⵎⵥ ⵜⵎⴰⴷⴰⵢⵜ ⴰⴷ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴰⵎⵎⴰⵙ ⵏ ⵢⴰⵜ ⵜⴼⵓⴳⵍⴰ ⵏ ⵓⵕⵥⵥⵓⵎ ⵏ ⵜⵡⵡⵓⵔⵉⵡⵉⵏ ⵏ ⵓⴳⵔⴰⵡ ⵉⴳⵔⴰⵖⵍⴰⵏ ⵏ ⵜⵎⵖⴰⵔⵉⵏ ⵜⵎⵙⵙⴰⵔⵓⵜⵉⵏ ⵜⵄⵕⴰⴱⵉⵏ, ⵙ ⵓⵙⵎⵖⵔ ⵏ ⵜⵡⵡⵓⵔⵉ ⵏ ⴱⴰⴱ ⵏ ⵡⴰⴷⴷⵓⵔ ⵅⴼ ⵜⵏⴽⵔⴰ ⵙ ⵉⵣⵔⴼⴰⵏ ⵏ ⵜⵎⵖⴰⵔⵉⵏ.
- ⴰⵙⵙ ⵏ 19 ⵏⵓⵡⴰⵏⴱⵉⵔ 2009, ⵉⴼⴽⴰ ⵓⵙⵉⵏⴰⴳ "ⴰⵎⴰⴷⵢⵓⵙ" ⵜⴰⵙⵎⵖⵓⵔⵜ "ⵎⵉⴷⴷⵉⵢⵣ" 2009 ⵏ ⵓⵡⵏⴰⴹ ⴷ ⵓⵙⴱⵓⵖⵍⵓ ⴰⵙⵓⵍⴰⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵅⴼ ⵜⵓⵙⵙⵏⴰ ⵙ ⵜⵎⵔⵉⵙⵜ ⵜⴰⴳⴰⵍⵓⴼⵜ ⵏⵏⵙ ⵅⴼ ⵓⵙⴱⵓⵖⵍⵓ ⴰⵎⴰⵙⴰⵢ.
